അരുൺ റെജി മംഗലത്തിന്റെ ആദ്യ യാത്രാനോവൽ ‘സീദേ ചലോ’ പ്രകാശനം ചെയ്തു
കോട്ടയം: യുവ എഴുത്തുകാരൻ അരുൺ റെജി മംഗലത്തിന്റെ ആദ്യ യാത്രാനോവൽ ‘സീദേ ചലോ’ (Seedhe Chalo) പ്രകാശനം ചെയ്തു. പ്രവാദ് ബുക്സ് പ്രസിദ്ധീകരിച്ച ഈ കൃതി, റിലീസിനും മുൻപ് തന്നെ 200-ലധികം പ്രീ-ബുക്കിംഗുകൾ നേടി വൻ വിജയമാണ് കൈവരിച്ചത്.
നവാഗതനായ ഒരു എഴുത്തുകാരനെ സംബന്ധിച്ചിടത്തോളം വലിയൊരു നേട്ടമാണിത്.
ചടങ്ങിൽ മിറാഷ് അധ്യക്ഷത വഹിച്ചു. പ്രശസ്ത എഴുത്തുകാരനും ചിന്തകനുമായ ഉണ്ണികൃഷ്ണൻ കിടങ്ങൂർ പുസ്തകം പ്രകാശനം ചെയ്തു. പുസ്തകത്തിന്റെ ആദ്യപ്രതികൾ, പ്രമുഖ അധ്യാപകനും എഴുത്തുകാരനുമായ ഡോ. ബി. കേരളവർമ്മയും എം.ജി. സർവ്വകലാശാലയിലെ (SIRP) ഡോ. എം.വി. ബിജുലാലും ചേർന്ന് ഏറ്റുവാങ്ങി.
പ്രശസ്ത മീഡിയ വ്യക്തിത്വം സന്തോഷ് ജോർജ് കുളങ്ങര എഴുതിയ അവതാരികയും, പ്രമുഖ സാഹിത്യകാരൻ എസ്. ഹരീഷ് തയ്യാറാക്കിയ ബാക്ക്-കവർ ബ്ലർബും പുസ്തകത്തിന്റെ മാറ്റ് ഇരട്ടിയാക്കുന്നു. യാത്രാനുഭവങ്ങളുടെയും ഫിക്ഷന്റെയും പുതിയ അനുഭവം സമ്മാനിക്കുന്ന ‘സീദേ ചലോ’ ഇതിനകം തന്നെ വായനക്കാരുടെ ഹൃദയം കീഴടക്കിക്കഴിഞ്ഞു.
Tags:
Share:
Related Post
