ഡൽഹി പൊലീസ് വിമാനത്തിൽ നിന്ന് കസ്റ്റഡിയിലെടുത്ത അഭിജീത് ദീപ്കെ ഉൾപ്പെടെയുള്ള CJP നേതാക്കളെ വിട്ടയച്ചു

admin October 11, 2026

ഡൽഹി: പൊലീസ് കസ്റ്റഡിയിലെടുത്ത സിജെപി സ്ഥാപകൻ അഭിജീത് ദീപ്കെ, സൗരവ് ദാസ്, അശുതോഷ് റാങ്ക എന്നിവരെ മോചിപ്പിച്ചു. മൂന്ന് പേരെയും എക്സിക്യൂട്ടീവ് മജിസ്ട്രേറ്റിന് മുന്നിൽ ഹാജരാക്കിയിരുന്നു. പ്രതിഷേധത്തിൽ പങ്കെടുക്കാൻ വരുന്നതിനിടെ ഡൽഹി പൊലീസ് കസ്റ്റഡിയിലെടുത്ത ഇൻഫ്ലുവൻസർ ധ്രുവ് റാഠിയെ വിട്ടയച്ചിരുന്നു. പുലർച്ചെ മൂന്ന് മണിയോടെയാണ് കസ്റ്റഡിയിൽ നിന്ന് വിട്ടയച്ചത്.

അതേസമയം പ്രതിഷേധക്കാർക്ക് നേരെയുള്ള ഡൽഹി പൊലീസ് നടപടികൾക്കെതിരെ RJD സുപ്രീംകോടതിയെ സമീപിച്ചു. പൊലീസ് നിയമവിരുദ്ധമായി പെരുമാറിയെന്നും വനിതകൾക്ക് നേരെ ലൈംഗിക അതിക്രമം നടത്തിയെന്നുമാണ് പരാതി. ഡൽഹിയിൽ പ്രതിഷേധം തുടരാൻ സിജെപിയുടെയും ഇടത് വിദ്യാർഥി സംഘടനകളുടെയും തീരുമാനം.

അതിനാടകീയമായമാണ് സിജെപി സ്ഥാപകൻ അഭിജീത് ദീപ്കെയെ ഡൽഹി പൊലീസ് കസ്റ്റഡിയിലെടുത്തത്. ഡൽഹി വിമാനത്താവളത്തിലെ അറൈവൽ ഗേറ്റിൽ മാധ്യമങ്ങൾ കാത്തുനിൽക്കുമ്പോഴാണ് പൊലീസിന്റെ നാടകീയ നീക്കം. വിമാനം റൺവേയിൽ നിന്നയുടൻ പൊലീസ് ദീപ്കേയുടെ സീറ്റിന് നേരെ പാഞ്ഞു. സംഘർഷം ഒഴിവാക്കാൻ വനിതാ പൊലീസുകാരെ ഉപയോഗിച്ചായിരുന്നു അറസ്റ്റ്. പൊലീസ് നടപടി ഏത് സമയവും പ്രതീക്ഷിച്ച ദീപ്കെ ഉദ്യോഗസ്ഥരുടെ വരവും കസ്റ്റഡിയുമെല്ലാം ലൈവായി ചിത്രീകരിച്ചിരുന്നു.