കിഡ്നി സ്റ്റോണിന് ചികിത്സയ്ക്ക് എത്തിയ രോഗി മരിച്ചു; കോഴിക്കോട് മെഡിക്കല് കോളജില് ചികിത്സാപ്പിഴവെന്ന് പരാതി
കോഴിക്കോട്: കോഴിക്കോട് മെഡിക്കല് കോളജ് ആശുപത്രിയില് ചികിത്സാപ്പിഴവിനെത്തുടര്ന്ന് രോഗി മരിച്ചതായി പരാതി. കോഴിക്കോട് വാണിമേല് സ്വദേശി പറമ്പത്ത് റീജിത്ത് (46) ആണ് മരിച്ചത്. കിഡ്നി സ്റ്റോണിന് ചികിത്സയ്ക്ക് എത്തിയതായിരുന്നു റീജിത്ത്.
കഴിഞ്ഞവര്ഷം ഓഗസ്റ്റില് ആദ്യ സര്ജറിയും ഈ വര്ഷം ഏപ്രിലില് രണ്ടാമത്തെ സര്ജറിയും ചെയ്തു. ഇടത് വൃക്കയിലെ കല്ല് നീക്കം ചെയ്യാനുള്ള ശസ്ത്രക്രിയ രോഗിയുടെ വലത് വൃക്കയില് ചെയ്തുവെന്നാണ് കുടുംബം പറയുന്നത്.
ആദ്യം ശസ്ത്രക്രിയ ചെയ്ത വലതുഭാഗത്ത് പഴുപ്പ് വന്നതോടെ അനുമതിയില്ലാതെ ഇടതുഭാഗത്ത് വീണ്ടും ശസ്ത്രക്രിയ നടത്തിയെന്നും കുടുംബം ആരോപിച്ചു. റീജിത്തിന്റെ മൃതദേഹം ഏറ്റുവാങ്ങാന് കുടുംബം ഇതുവരെ തയ്യാറായിട്ടില്ല.
Tags:
Share:
Related Post
